«Моҳи саводнокии молиявӣ» дар ноҳияи Лахш
Дар доираи «Моҳи саводнокии молиявӣ» барои наврасону ҷавонон ва бо мақсади васеъ кардани имконияти онҳо, ҷиҳати дар оянда ба роҳ мондани масъулиятнокии молиявӣ ва ҳифзи ҳуқуқи истеъмолкунандагони хизматрасониҳои молиявӣ бо иштироки 200 нафар муҳассилини мактабҳои миёна, ҷавонон ва муштариёни Бонк дар филиали №11-и ноҳияи Лахш чорабинии хотирмон ва судманд доир гардид.
Дар чорабинии мазкур кормандони сохторҳои дастгоҳи марказии Бонк дар мавзуҳои мухталифи соҳаи бонкдорӣ, алалхусус «Хизматрасониҳо тавассути замимабарномаи «Амонат - мобайл», «Хизматрасониҳо тавассути кортҳои пардохтӣ», нақши пул ва қоидаҳои идоракунии он, банақшагирии молиявӣ ва буҷети оила, нақши бонкҳо дар рушди иқтисодиёт, ба аҳли нишаст маълумоти муфассал пешниҳод намуданд.
Дар рафти чорабинӣ аз ҷониби иштирокдорон вобаста ба мавзуҳои соҳавӣ суолҳо пешниҳод гардида, ба онҳо посух гардонда шуд. Ҳамзамон ба кулли иштирокчиёни чорабиниҳо туҳфаҳои хотирмон тақдим карда шуданд.
Боиси қайд аст, ки ташкил ва баргузор намудани чунин чорабиниҳо барои баланд бардоштани маърифати молиявии аҳолӣ, аз худ кардани маълумоти зарурӣ оид ба хизматрасониҳои бонкӣ ва таблиғу ташвиқи дастовардҳои соҳавӣ заминаи мусоид фароҳам месозад.
